Kay 16 Chaska punchata, Kichwakamak Sisariy Tantanakuyka Kichwa Shimita Sinchiyachinkapak, Kawsachinkapak Chusku niki Yachakuyta ña kallarishpa karka, Ecuador mamallaktamanta Católica Hatun Yachana Wasi – Ibarra kuskapi Kay sumak paktariypika Imbabura markamanta kichwa tantanakuykunapapushakkuna, PUCE Hatun Yachana Wasipa pushakkuna, shinallata Yachakuk mashikunapashmi paktalla kumpashka karkankuna.
Kay sumak Yachakuykunataka Kichwakamak Sisariy Tantanakuymi paktachikun, GARABIDE shinallata Agencia de Cooperación y Solidaridad Vasca tantanakuykunapa yanapaywan; Ashtawanpash PUCE Hatun Yachana Wasipa waraway pankawan.
Kay yachakuykunaka ishkay layami paktarinka: Antanikipi kuyuk shuyukunata rikushpa shinallata killapi shuk punchata tantanakushpayachakukpura
rimariykunawan; yachachik mashikunaka sumak yachasgkakunami kan, kichwa yachachikkuna shunallata karumamallaktamanta shimimanta llamka kyachachikkunapash.
Kichwakamak Sisariy Tantanakuypa pushak Emilio Guaman mashika kay shimikunatami nirka, “Kay yachakuykunawanka ashtawan kichwa shimimanta llamkak mashikuna mirarishpa, sinchiyarishpa, ñukanchikwan paktalla ayllullaktakunapi, llamkay kuskakunapi, yanapak kuskakunapi shunkuyarishpa, kichwamanta hayñikunata paktachishpapash kachun munaywanmi ruranakunchik”.
Kay Chusku Niki Yachakuywanka, Kichwarunallaktakunapa hayñikuna paktarichun,
ama kichwa kashkamanta llakichichun, ashtawankarin shunkumanta kichwa kayta kuyashpa maypipash purina kanchik, sinchiyachina, rimana, willachina yuyaywan kawsaypi paktarichun munaywanmi rurarikun kay yachakuykunaka.