SHUNKUYARINKAPAK KUYUKSHUYUKUNA
Kichwa shimita pakarichishun
Uchilla wawakukunapillata, mamapa wiksapi kakpillatami kichwa shimita uyachina kanchik. Paykunapa kallari shimika kichwami kana kan.
Kay kawsaykuna Kay ruraykuna paktarichunka taytapash msamapash paktami kay llamkaypi kana kan: Warmi wawata wiksapoi charishpallatami kichwa shimipi rimachina kan, kay kuyaywan rurayka mamawan kuyayta, wawapa kikinyarita shinallata shimi kawsaywan yanapan. Chaymanta kay kuyuy shuyupika riksichinchik kikinkunaman imashinami hatun mutsurishka Partera mamakunapa llamkayta KIchwa shimi sinchiyay kawsaypi, llulluwawakuna kakpillata.
Shimita mana willachishpa Chinkachiy
Chayra wiñak wanrakunaka kichwa shimi rimayta chinkachinakun shikan kawsaypi llaki rikurishkakunamanbta, wakinkunapaka wasi ukupi mana yachakuyta tarishkanta, wakinkunaka yachakuna wasiman rishpa rimayta kunkashkakunapash. Kay llakikunaka mishu shimi kichwa shimita sarushpa kashkamantami paktarin shinallata kichwa runa kashkamanta millanayachiy, kuchachik, takuriykuna shikan kuskakunaoi tiyashkamanata.
Kay kuyurik shuyuka kichwa shimita rimana munay yuyayta rikchachinkapak yuyaywanmi wiñachishka kan, ashtawankarin riksinkapak kichwa shimi rimay imashina kichwa kikinyarita shinallata kichwa runa kawsayta sinchiyachikta hamuktankapapash.
Kamachik kamak tukuypa ukupi kichwa shimi
Kay pacha kawsaykunapika Shikan yanapak ukukunapi shinallata llamkak ukukunapika illanmi kichwa shimipi yanapankapak kamachik, kichwa shimitra rimak warmikarikunaka mana kichwa shimipi yanapaykunata chaskinchuk, tukuy imapash killkasha pankakunapash mishu shimipilklami kan.
Chaymantami maskanchik shikan yanapana kuskakunapi kamachik kamak tukuypaka ukupika kichwa runakunaka kichchwa shimipi chaskishka kachun, shinallata tuky ima pankakunapash kichwapipash killkashkata rikuchichun, shina tukuy runapura allí kawsayta charinkapak, ama maykanpash pishiyarishka kawsayta charinkapak.
UYAYAYRIKUCHIK ZIRMA
Allpa mankakunata ruray
Angochawa kitillipika shikan ruraykunami tiyan, chaymanta shuk rurayka allpa mankakunata, kallanakunata, tukuytapash shinashpa katik mashikunami tiyan, allpakunaka chay kuskamantalklatami kan. ¡Kay kuyuk shuyupika imashina kallarripi allpata tantachishpa, allpata akllashpa, allpata chapusha makiwan ruraykunatami riksichinchik.