ÑUKANCHIK LLAMKAYKUNA
Kunarinchimi ñukanchi shimikunata sapiyachishpa, kawsachishpa, ashtawanpachaka kichwamanta, chaypaka pakchiyachakkunatapachami charinchi.
Ñukanchika chayakrinchimi, kichwata huyak mashikunawan yuyaykunata kuyuchikkunawan paykunapa llaktari allpamantapacha, makipurarikunata maskashpa, tukuykunawan ñukanchi kawsay shimikunata sinchiyachishpa.
Kay ruraykunawanka yaykukkrinchimi sapsi apukkunakaman, shukpalla tantanakuykunamanpash, mamallaktayachiy yanapak wasikunaman, tukuykunawan rimarishpa kichwakawsay sapiyankakaman.
Pakta pakta purishpa, ñawpakman tankashpa, ñukanchi shimita kawsayachiyshpa kankapakmi kay pushayachay ñankunata katinchi:
- Yuyaykuyuchikkunata yachachishpa, paykunapak ushaykuykunata mirachishpa tukuy ayllu llaktakunapi kichwa kawsayta pushachun.
- Ñukanchik shimikunamanta yuyaysapayaykuna tukuchun, pachanyachiyshpa, sumakchanashpa, kawsaypa chanikunata hatunyachishpa.
- Wachachishpa, pakta purishpa ñukanchikshimikunapak kawsay sinchiyachun, kawsayllaktapa kawsaypi
- Taripaykunawan, yachaykunata chimpachishpa kichwa shimi chayahun sapsi apukkunapi tukuy Impapura markapi
- Hamunchashka mitachikunata kawsayachiyta charinchi, chaymantami kunchi pakchirurak kunakuykunata, yuyayshuyuy yachayñankunata, shinallata katirurana ñankunata rikushpa yanapanchi.
- Makipurachinchi llaktayupak pushak yanapakwasikunawan, amawtay yachakkunawan, kikinpaklla llamkakwasikunamanpash, shinallata wankurishpa kawsak tantanakuykunamanpash paykunawan shinchiyanchinkapak ñukanchipak shimikuna mirarinamnta.
- Ecuador mama llaktapi makipurarishpa tawkallaktakunapura kawsanamanta shinallata Abaya Yalamanta shuk llaktakunawanpash, yanaparishpa, rantimanta yachakuykunata mirachishpa kankapa.
- Shuktak mama llaktakunamanta yachaykunata makipurarishpa shuk ñantalla kastishpa mirachinkapa, ñukanchi shimikawsaykunawan ñawpakyuyaykuna tiyakpipash punchankaman sinchiyachun.
