PIKUNATAK KANCHIK
Sisariypa tantanakuytaka Llaktayachay Tukuy Kawsaykunapak Charishkakunata Kamakwasimi kutinriksichin kay tantanakuyka sakirin nishpa Ecuador Mama Llaktaukupi Acuerdo Ministerial Nro. DM-2020-022wan.
Ñukanchipak tantanakuyka mirarishkami Impapura markamanta kichwakunanawan paykunawanmi ñukanchi shimita sapiyachishpa llamkak ayllu llaktakunamantapacha shamunakushkanchi.
Sisariy shimika wacharishkami sumak kawsayman kay pachapi, hatun sisapamba shina kichwa shimi kaypi chaypi chakchurichun, kawsachun, tukuykunapi unanchashina chayachun, mirarichun hatun sisapampapi shina.
MUSKUYPAKTACHIY
Ecuador mamallaktapika Kichwakamak Sisariy Tantanakuymi 2035 watapika Kichwa shimita kawsachishpa sinchiyachik tukushun. Kay tantanakuymi shimita kawsachishpa alli llamkaykunata paktachik kanka, shinallatak runa llaktakunata yanapashpa shamunka, kichwa shimita shuk shuk yachaykanchakunapi chanishpa, sinchiyachishpa kanka. Mamallaktamantaka ñawpa shimikunata kutin kawsachishpa llamkakpi Apuk shinatami kutin riksinka. Kutin kutin shimita kawsachinkapa sinchita shayarishpa shamunka, ashtawankarin kay shimita rimakkunapak, llaktapi alli sumak kawsay paktarichun yanapanka, shinallatak waki kawsaypi sumaychashpa, kutinriksichishpa yanapanka.
LLAMKAYPAKTACHIY
Mushuk ruray llamkay ñankunawan kutin kichwa shimita kawsachishpa, rimachishpa katichina, shimita sinchiyachikkunata, yachachishpa katichun yachachina, ayllullaktakunapi shimita kutin kawsachichun rimakkunata wiñachina. Shinallatak llaktapi runakunaman shimita sinchiyachinamanta sumak rimay yachaykunata riksichishpa paktachina, shuk shuk kawsaykunapi rikurishpa, shimita rimashpa, alli ñanta katishpa sinchiyachichun. Kay ruraykunata chikan chikan llaktakunapi kutin kutin rurashpa, kichwa shimi kawsashpa katichun, hipa wiñakkunapipash rimarishpa kawsashpa katichunmi paktachikun.
Siguenos como Sisariy_ec