ÑUKANCHIK WACHARISHKAMANTA KUNAN PUNCHAKUNAMAN
2011
Impapura markapi kichwa shimi wañukuymantami kawsachinami kanchi nishpa hatarinchikapa ñanta katimushkanchi. Kay ñanpika Vasco mama llaktamanta Garabide tantanakuymanta mashikunawanmi yachakushpa shamushkanchi ashtawanpachaka Impapura markamanta kichwa runakunawan.
Kay ñankunata sinchiyachinkapaka shuktak shuktak kichwa mashikunami Vasco mama llaktaman rishpa paykunapak yachaykunata, euskera shimi ima shina kunan punchakaman sumakyachispa shamushka Vascokunapa kawsaypi. Shinallata kay yachakuykunapika hatun amawta vascokunami yachachinkuna, shinallata paykunapa kawsaytapashmi riksichiskakuna, chaykunata riksishpami mushuk hillaykunawan, yachayñankunawan, yachachinapak ñankunawan, tukuy yachaykunawan ama ñukanchik shimikuna wañuchun nishpa Ecuador mama llaktaman tikramushka.
Shinami watan watan yachakuykunaman purishpa shuklla ñanta maskashun nishpa kallarishka kichwa yachak mashikunawan Impapura markapi kallarishun nishpa, chay hatun ñanta sinchiyachinkapaka tantanakuykunata, rimarikunata, yuyaysapaykuna shunkuman chayachun nishpa tantanakuy kallarirka.
2017 watapimi kallarirka shuk tantanakuyta shutichispa, pushakkunata churashpa, shinami kallarirka hatun yuyaykunata tantachispa kichwa kawsaypa llamkak ñankunata riksichishpa kay shamuk 30 watakaman
2017
2020
Chaypa katika 2020 watapi Ecuador mama llaktapa kamachiy ukllanmi kay Sisariy tantanakuyta, kay shutiwanmi Otavalomanta, Karankikunamanta, Cotacachimanta, shinallata Cayampikunamantapash kichwakuna tantarishpa kallarin. Chay watamantami shuktak shuktak yachakuykunawan shuk tantanakuykunawan, ayllu llaktakunawan makipurarishpa shamushka.
Tawka tawka rurashkakunamanta rikushpaka Diplomatura Ñukanchi Shimikunamanta Kawsayachiykunami hatun unancha kashka, kay yachakuykunataka karashka patsak yalli mashikunaman chaymantami mushuk hillaykunawan, yachayñankunawanpish, yachachinapak mushuk ñankunata maskashkakuna, tukuylla Impapura marka ayllu llaktakunapi ama ñukanchik kichwa shimi wañuchun.
Shinallata Sisariy wankurishpa ñukanchik shimikunata sapiyachinkapami hatun tantanakuykunata ñapakman apashka, chaypimi shuktak shuktak kawsayyachaykunata, yachayachayukkunawan rimarishpa riksinakushka mushuk mishay ruraykunata ñukanchikkunapa sapiyuk shimikunamanta Ecuador mama llaktamanta, shuktak mama llaktakunamantapash.
Karu mama llaktamanta llamkaykamak wasikunawan tantanakuymantami Garabide Vasco mama llaktamantamanta mashikunawan makipurarishpa paktachishkanchi shuk wiñariy yuyaykunata, shinallata Abya Yalamanta mashikunawanpash charishkanchimi ranti ranti makipurarishpa yachaykunata mirachinkapa, chaykunawanmi Sisariy ukupi kak mashikunaka shuk ushaykunata, shamuk pachakunapak mushuk ruraykunata mirachishka kay tantanakuy hatunyachun.
2024 watapi, Sisariy paktachirkami kallari killkallamkay kichwa shimi Impapura markapi kawsaymanta, kay hillaymi rikuchishka kichwa kawsaypa llamkay pushayachay ñanta sapiyachinkapa.
2024
2025
2025 watapi Ecuador Mama Llaktapa Tantanakuymi Sisariyman unanchakillkata kararka tukuy yachaykunata ushaykunata paktachishkamanta ñukanchi shimikunamanta ashtawampachaka kay chaninchata kurkami kichwa kawsaymanta sapiyachachispa katiyhuymanta.
Shinami Impapura markapi llamkashpa katinahun hatunyachispa ñukanchik runa llaktakunapak shimiyachaykunamanta.
