Imbabura markapi sisariy kallarinmi kichwa shimi :
Sisariy tantanakuy shinallata Oralidad y Modernidad , GARABIDE Vasco mamallaktamanta tantanakuykunapa yanapaywan paktachirka Kamuk riksichiyta, “Vitalidad de la lengua kichwa en Imbabura del 2025” kay kamutaka Marlene Abaud shinallata Fernando Ortega mashikunami killkashpa kashka, 2024 watapimi shuk taripayta rurarirka rikunkapak imashinata kan kichwa shimipa kawsay Imbabura markapi, chay taripaypi rikushpami killkashkankuna. Kay Kamuk riksichiytaka yallishka 20 Chaska Panchi killapimi paktachirka 2026 watapi Prefectura Auditorio kuskapi, Ibarra llaktapi.
Kay sumak ruraykunaka ashtaka mutsurishkami rikurin yachakuykunapi, punchantin kawsay rikuykunapi ashtawankarin kichwa runakawsaykunatami sinchiyachishpa katichinchik, “Tukuy mamashimikunapa puncha kashkamanta”. Kay sumak paktariypika shikan Imbabura markamanta kichwa runallaktakunapa pushakkunapashmi kumpashpa karka, Estado ukumanta pushak nishkakunapash ashtawankarin Dilpomatura kichwa shimita sinchiyachinkapak yachakukunapash ashtwan tawka mashikunaàshmi kumpashpa karka.
Kay ruraykunawan Kichwakamak Sisariy Tantanakuyka shikan llaktakunapa shimimanta llamkashpa katina ñantami willachin shinallata tukuy pushakkunata shinallata willachik mashikunatapash mañan kay shimita sinchiyachina ñanpi yanapashpa katichun.
¡Kawsachun tukuy runallaktakunapa mamashimikuna!