Shunkumanta rimashun pachapi sumak rimariyta charinchik Pedro Pupiales mashiwan , payka Juan D e Dios Navas yachana wasipa pushakmi kan, ashtawanpash ADITU yachakuyman Sisariy tantanakuypa shutipi rishka kan, kay rimariykunapika imashina Vasco mamallaktapi kawsaykunatami willachirka, ashtawanpash ima yachakuykunata shimikunata sinchiyachinkapak chay kuskapi rurashkakunatapash riksichirka.
Paypa rimaypika ashtaka mutsurishkami kan nirka kichwa shimita sinchiyachina ayllullaktakunapi shinallata yachana wasikunapipash, shun kuskakunapi ushashka kakpika ñukanchikpash shimimanta llamkayta ushashunmi nirka; chaypika mama taytakunapashmi kay munayta charina kan, chay hawa yachana wasikunapi, ashtawanka shikan kuskakunapa pushakkunapashmi kay llamkay munayta charina kan nirka, tukuy wankurishpallami ushashun nirka.
Shunkumanta Rimashun pachaka Sisariy tantanakuymanta wacharishka pachami kan, kay pachakunapika kichwa runa kawsaykunata sinchiyachina munay kuyaywanmi llamkashpa katin shikan mashikunawan.