Kichwa shimita Sinchiyachinkapak, kawsachinkapak chusku niki yachakuytaka Kichwa kamak Sisariy tantanakuymi paktachikun ashtawankarin Garabide Vasco mamallaktamanta tantanakuypa yanapaywan, Shinallata Ecuador mamallaktamanta Ibarra llaktapi kan Catolica Hatun Yachana Wasipa yanapaywanpash. Kay yachakuypa munayka kanmi kichwa shimimanta llamkan, kawsan mashikuna mirarishka kachun, kaypaka sumak yachakuy hayllikuntapashmi kunka, kichwa shimimanta shikan hiparukunapi, ruraykunapi, paktachichun ñukanchik runallaktakunapi. Ashtawanpash kaypi yachakushka mashikunaka kichwa runallaktakunapa kawsayta riksishpa kashka kachunpash. Ashtawanpash kay wankuriykawsay, kapaktukuykamay, kawsaypurachikta yachakuk mashikuna rikuchun, imashinata kaykuna llakichin runallaktakunata shinallata paykunapa mamashimikunatapash, kay hawa shunkuyarishpa kichwa kikinyarimanta, tawka runakawsaykunamanta sinchiyachishpa katichichun.

Kay yachakuykunaka charikrinmi ishkay patsak saylla paktachinakunata, Shinallata rurarishpa katinkami ishkay ruray hawa: Antanikikpi yachakuy shinallatak Killa tukurik tuparikunawampash, kaytaka ñawpaman pushak willachishkapi paktarinka. Ashtawampish, ruraykuna tiyanami kan kay shuklla – tawka pura tantanakushpa kipapakchiruray. Kay yachakuy tantanakuykunaka ñawpaman apashka kankami Ecuador Mamallaktamanta Kichwa Yachachikkunawan, Kay Abya Yala tawka shimni rimay sinchishik runakunawan, Yachaksapa Yachana wasiwan, shinallatak tiximuyu runa yachakkunawan, paykunami kan kay VASCO Mamamllakta sapiyachakkuna; shinallatak shuk mamallaktamanta shimi yachak, sinchichik, ñawpaman apak mashikunawan.